الهاش تاج ............؟

لهاش تاج هي علامة توضع على تويتر لتكون إشارة لموضوع، أي شخص يكتب في نفس الموضوع يضع # بجانب العنوان، وبذلك عندما تبحث عنه في تويتر تجده، هذه المرة نتناول هاش تاج " #Hat2oolEhL3yalak" والذي بدأه مجموعة من الشباب على تويتر بالأمس، تفتكروا هيقولوا إيه لعيالهم لما يكبروا؟؟ وإنت هتقول إيه لعيالك لما تكبر؟؟ ياريت تقولنا!!
[ندعوك للتسجيل في المنتدى أو التعريف بنفسك لمعاينة هذه الصورة]

أحمد حسن: الشرطة على أيامنا فضلت تشممنا فى غاز لحد إنت ما طلعت شبة الأمبوبة
نابليون: جدو كان جيـل .. " من خاف سـلـم " و احنا كنا جيـل اللى يعملى قلق لسه ما اتخلق.

D: عايزكوا يا أولاد تطلعوا جيـل سفاحيـن
خالد: يبني أنا لما كنت في سنك لما ببقي مخنوق كنت بنزل اشم غاز مسيل.
درية: يا أولادى انتو مش عارفين ان تعبت اد ايه ... حتى يصبح هذا المز ابوكو
مريم علي: استمتعوا بحياتكم على قد ما تقدروا
الرفيقة أم عطيات: مفيش حاجة اسمها تويتر-لو كان لسه عايش- و احنا ادكو مكناش بنعمل حاجة غير المذاكرة !!
نورهان رمضان: حقولهم ابوكوا محبش ولا عمره بص لحد غيري ...سامحنى يارب.
لوزة: انا اتجوزت ابوكوا بشبكة ربع مليون بس ..... الله يرحم ايام زمان ايام الرخص.
شيرو: هحاول محكيش اى حاجه وحشه عن الثورة زى مثلا ان اخويا اللى هو خالهم فله مثلا و كان بيشتم الثورة و الثوار.
نسرين: كان فى عندنا مذيع اسمة خيرى رمضان و مذيعة اسمها لميس الحديدى كانوا بيعرفوا اية اللى هيحصل بكرة.
محمود: عمك الكبير مات فى28يناير ,عمك الصغير مات ف محمد محمود ,صاحبى مات ف بورسعيد ..ماتوا شهداء يابا؟ أيوة بس الحكومة قالت بلطجية.
محمد رزق: كنت بهتف عشان اسقط العسكر ..واسقطه يا بابا؟؟. لأ هتفت بس.
اسراء: يا ولاد التيت انا تعبت واتبهدلت عشانكم بس العيب مش فينا والله العيب فيها هي بلد معاندة نفسهاحذاري اسمعكم تقولوا احنا السبب.
ميدو: كان في ثوره في 2011 خدها الغراب وطار.
لوجي: اتقدملي قبل ابوكم ظابط شرطة ورفضته مش عشان فلول عشان خوفت على نفسي.
آية جمال: هقولهم أنا عمري ما نزلت مظاهرة و لا شاركت في الثورة .. هقولهم انا كنت كنبة.
ندا الشرقاوي: مامتك مشيت من المعادي للتحرير على رجلها !!
مارينا: اللي يقولك سلمية قطعه.
أماني: ماما كانت بتروح مظاهرات من ورا جدو وتيتا.
درية: كان يا مكان حصل ثورات فى 3 بلدان : فى تونس ابن على فهم ورحل ..وفى ليبيا القذافى استحمر ومات ..وفى مصر حسنى فهم واستحمرنا.
أحمد حسني: ابوك كان بيتفرج على اباحة وهو صغير.
مش أنا: شايف التعويره دي؟ دي في الفلكي لما دخلت بدبابه، وأنا بيجري ماسك ال ار.بي.جي التيشيرت شبك في المدفع وقعت أتعورت.
أحمد أبو العينين: ده بقى الى مسح اسم جيفارا بأستيكه اسمه احمد حراره فقد نور عينه في ايام الثوره.
روان الخولي: اللي يضربك تبهدل اهله و اللي يضربك قلم تضربه 150 قلم انا مش هكون ام مفتريه خالص.
بسمة الصغير: كنت بشوف برامج توك شو اكتر ما بشوف امي..اللي جدتكم يعني، وكنا نفضل نقول سلمية سلمية وبردو يدونا على قفانا..ونرجع احنا بقى نقول سلمية سلمية تاني..آآآه والنعمة.
أحمد ابراهيم: هقلهم نكته "كان زمان فى مجلس شعب مالوش علاقه بالشعب ".
عماد: وانا فى سنكوا كنت بشم الغاز واقول كمان --كمامات ايه ديه اللى لابسها.
نورهان: أنا من اول الناس يا حبايبى اللى عملوا تويتر ايام ما كان تويتر للاقطاعيين و الفيس بوك للفلاحين
محمد الألفي: لازم تعرفو يا ولاد ان ابوكم فى يوم من الايام كان شمام /هيروين يابا/لاغاز ياروح امك ‎
حسن محمد: اللى مش هيسمع الكلام هجيبلوا الشيخة الشريفة ماجدة.

يعطيك الف الف عافيه

موضوع رااائع

وجهود أروع

ننتظر مزيدكم

بشوووق