بحبك يابلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
قولوا لأمى متزعليش وحياتى عندك متعيطيش
قولوا لأمى متزعليش وحياتى عندك متعيطيش
قولولها معلش يا امى اموت اموت وبلادنا تعيش
امانه تبسولى ايديها وتسلمولى على بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
فى جسمى نار ورصاص وحديد علمك فى ايدى واسمى شهيد
فى جسمى نار ورصاص وحديد علمك فى ايدى واسمى شهيد
بودع الدنيا وشايفك يامصر حلوة ولبسه جديد
اخر نفس فيا بنادى اموت وانا بحب بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
طايرين ملايكة حواليا طير لحظة فراقك ياحبيبتى غير
طايرين ملايكة حواليا طير لحظة فراقك ياحبيبتى غير
همشى معاهم وهسيبك واشوف يامصر وشك بخير
قالولى يالا على الجنه قولتلهم الجنة بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
[ندعوك للتسجيل في المنتدى أو التعريف بنفسك لمعاينة هذه الصورة] إزاى ترضيلى حبيبتى
إزاى ترضيلى حبيبتى
أتمعشق إسمك و انتى
عماله تزيدى فى حيرتى وما انتيش حاسه بطيبتى إزاى ؟
مش لاقى فىعشقك دافع
ولا صدق فى حبك شافع
إزاى أنا رافع راسك و انتى بتحنى فى راسى إزاى ؟
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
ازاى سيبانى فى ضعفى
طب ليه مش واقفة ف صفى
وأنا عشت حياتى بحالها علشان ملمحش فى عينك خوف
وفى بحرك ولا فى برك
ازاى أحميلك ضهرك
وأنا ضهرى فى آخر الليل دايما بيبات محنى ومكشوف
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
و ازاى ترضيلى حبيبتى
[ندعوك للتسجيل في المنتدى أو التعريف بنفسك لمعاينة هذه الصورة] كنت فاكرة الارض ساكتة والسنين متكررين
كنت فاكرة الجنة ابعد من ايات الطيبين
كنت بضحك قد ما اقدر
كنت شايفة الصورة اصغر بعنيا الضيقين
فجاة هز الدنيا صوتكوا والحياة رجعت بموتكوا
والسنة اتسمت يناير
شيلتوا عن عينا الستاير وانكشف عنها الجميل
درس من قلب الميدان للى خايف من زمان
عيتوا ترتيب المكان واحنا ليكوا مديونين
[ندعوك للتسجيل في المنتدى أو التعريف بنفسك لمعاينة هذه الصورة] دخلت ابنى عليا بالدنيا وما فيها
كنت بدعى يارب يرجع بالسلامة
الحمد لله حكمتك وانا راضية بيها
بس انا كان نفسى اقوله مع السلامه
يارب صبرنى فى بعاده .. ابنى مات علشان بلاده مصر كانت اغلى عنده من امه واخواته وولاده
يارب صبرنى فى بعاده .. ابنى مات علشان بلاده مصر كانت اغلى عنده من امه واخواته وولاده
دخلت ابنى عليا بالدنيا وما فيها
كنت بدعى يارب يرجع بالسلامة
الحمد لله حكمتك وانا راضية بيها
بس انا كان نفسى اقوله مع السلامه
يارب صبرنى فى بعاده .. ابنى مات علشان بلاده مصر كانت اغلى عنده من امه واخواته وولاده
يارب صبرنى فى بعاده .. ابنى مات علشان بلاده مصر كانت اغلى عنده من امه واخواته وولاده
يارب بدعيلك وانا عندك عليه مطمنة
ترحمه وترحمنى بيه مات شهيد وانا مؤمنه
[ندعوك للتسجيل في المنتدى أو التعريف بنفسك لمعاينة هذه الصورة] مصر قالت صوت ولادى كلمة الحق فى بلادى
هما دول سر التحدى هما دول زهرة جهادى هما دول هما الشباب
مصر قالت الكرامة عزه النفس بشهامه
هما دول اكبر علامه كل حى وله قيامه زى ما قال الكتاب
مصر قالت انحيازى عمره ماكان لأنتهازى
مستحيل هقبل تعازى فى الشهيد رغم اعتزازى الا من بعد الحساب
مصر قالت الحقيقة فى العزيمة والارادة
هما دول سر الريادة والعمل افضل عبادة تستحقى 100 ثواب
[ندعوك للتسجيل في المنتدى أو التعريف بنفسك لمعاينة هذه الصورة] سمحينى ومعلش يا امى انا غايب والليلة رجوعى
و زى مانيلك كون دمى انا بسقى ترابك بدموعك
وانا عاشق دايب فى هواها وبحبك يا حبيبتى وحبك
قصة وفيها موت وحياة غصبا عنى وغصبا عنك
بلدى اللى اختارها الكريم تحضن رسالاته
على ارض النيل توراه وانجيل ربنا انزل كلماته
بلدى القران الكريم مباركها اياتوا
وفى اى ميعاد خير الاجناد يفدى ترابك بحياتوا
بلدى اللى اختارها الكريم تحضن رسالاته
على ارض النيل توراه وانجيل ربنا انزل كلماته
بلدى القران الكريم مباركها اياتوا
وفى اى معاد خير الاجناد يفدى ترابك بحياتوا
علمتى فينا يامصرنا يابلد عظيمة ومؤمنة
مرفعش سيف يوم على الضعيف دى اخلاق الفرسان
وفضلت تربى فى نصر يامصر
وغيرك بيربى فى غدر يامصر
وانا حالف بكرة مايطلع فجر على كل باغى جبان
بلدى اللى اختارها الكريم تحضن رسالاته
على ارض النيل توراه وانجيل ربنا انزل كلماته
بلدى القران الكريم مباركها اياتوا
وفى اى معاد خير الاجناد يفدى ترابك بحياتوا
بلدى اللى اختارها الكريم تحضن رسالاته
على ارض النيل توراه وانجيل ربنا انزل كلماته
بلدى القران الكريم مباركها اياتوا
وفى اى معاد خير الاجناد يفدى ترابك بحياتوا
[ندعوك للتسجيل في المنتدى أو التعريف بنفسك لمعاينة هذه الصورة] واقف فى اللجنه الشعبيه
فى مناطق راقيه وشعبيه
ايدى فى ايد أهلى وجيرانى
سهران مابعديش الميه
ورجالتك يا بلدنا
يحموكى ويحموا ولادنا
واقف فى اللجنه الشعبيه
علشان أهلى وكل ما ليا
ومآمن ليك وانت يا صاحبى
وأختك زى أختى وفى عينيا
ورجالتك يا بلدنا
يحموكى ويحموا ولادنا
واقف فى اللجنه الشعبيه
وكأنى دخلت الجهاديه
وأخواتى وأبويا ملازمنى
وأمى بتدعيلى الفجريه
رجالتك يا بلدنا
يحموكى ويحموا ولادنا
واقف فى اللجنه الشعبيه
وناضلت وعشت الحريه
مين غيرى يا مصر هيحميكى
وافديكى بروحى و عينيا
رجالتك يا بلدنا
يحموكى ويحموا ولادنا
[ندعوك للتسجيل في المنتدى أو التعريف بنفسك لمعاينة هذه الصورة] يا مصر هانت و بانت كلها كام يوم
نهارنا نادى و نهار الندل مش باين
الدولة مفضلش منها إلا حبة شوم
لو مش مصدّق تعالَ ع الميدان عاين
يا ناس مفيش حاكم إلا من خيال محكوم
و اللى حيقعد فـ بيته بعدها خاين
اللى حيقعد كأنه سلم التانيين للأمن بايديه و قالـّه همَ ساكنين فين
وصلت لضرب الرصاص ع الخلق فى الميادين
حتى الجثث حجزوها اكمنهم خايفين
يا مصر أصبحنا أحيا و ميتين مساجين
فاللى حيقعد فـ بيته يبقى مش مفهوم
واللى حينزل إلهى حارسِه و صاين
يا مصر هانت وبانت كلها كام يوم
نهارنا نادى ونهار الندل مش باين
نهارنا نادى وبايدينا على فكرة
والصبح كله فضول راح نعمل ايه بكرة
إيده على الباب وخايف يلمس الأكرة
ادخل يا أستاذ براحتك و البلد حرة
إحنا زهقنا نشوف الصبح من برة
ادخل و خرّج بقايا العتمة بالمرة
الناس دى حرة و جنود الأمن مضطرة
يا صُبح طلعّت روحنا لاجل تيجى ياخىّطالعين نجيبها اهه
فى كل حارة و حىّحتى و لو ضربونا بالرصاص الحىّ
شوف المداين كدا مفروشة خلق و ضىّ
دايما مفجأة و دايما وقتها معلوم
الحكم لينا و ليكى الحق يا مداينيا مصر هانت و بانت كلها كام يوم
يا صف عسكر بدال الدرع شيلو اتنين
25يناير يا شباب فاكرين ؟
كان فى انجليز و وزير الداخلية تخين
كان عنده برضو عساكر زيكم جامدين
سابهم يموتو علاوله لمْ سأل فيهمكانو شبهكم
أساميكم أساميهم
يا عسكرى البهوات اللى بتحميهم
ممكن يردو عليك لما تناديهم ؟!
يا عسكرى أنا أصلى بس باستغرب
لو لاقى تاكل و تشرب .. قوم يا عم اضرب
إضرب عشان الوزير من ضربتك يطرب
لكن حتشتغل ايه لما الوزير يهرب ؟!
أمّا الشديد القوى القادر أبو القادر
برميل تلامة نشع على مصر م الآخر
لو شافته مِعَدِدَة تكتب أدب ساخر
ثابت يقول للهرم يا كابتن اتاخر
و لم يزل معتقد إن الهرم حيقوم
آدى الحجر و البشر قايلين يا سيد القوم
و الدين حيترد ياللى عشت مِدّاين
يا مصر هانت و بانت كلها كام يوم
نهارنا نادى و نهار الندل مش باين
ده حكم أسرة و لا خوفو و لا خفرع
و لا وجع بطن يتعالج بزيت خروع
عمل مسوجر بعيد عنك و لا يطلع
.جربنا فيه كل شىء مَ لقينا شىء ينفع
مطلعش بالأدوية جربنا ألف طبيب
و لا بعطارة شيوخ ليهم بلح و زبيب
و لا بجحفل مغولى و ضرب بالقباقيب
عمل مسوجر و سُفلى شغل تل أبيب
و شغل أمريكا متغلّف و ختمه عليه
ضيف زارنا ياعم من غير دعوة لابس بيه
قعد تلاتين سنة مبيقولش قاعد ليه
و النية يديها لابنه النابغة بعديه
و يقول قضا و قدر بين البشر محتوم
قلناله طيب و مين قال القدر معلوم ؟
و ايش عرّفك يا فخامتك بالذى كاين ؟
!يا مصر هانت و بانت كلها كام يوم
نهارنا نادى و نهار الندل مش باين
[ندعوك للتسجيل في المنتدى أو التعريف بنفسك لمعاينة هذه الصورة] لآخر مرة هستنى
أشوفك جاية مهتمة
نلم إزازك المكسور
كفوف رجليا نزفت دم
وانا رايح أقيد النور
فى عمدان كل ميادينك
باقولها لك
لآخر مرة اعيش هالك
مابين حرصى وإهمالك
وعلمانية أنانية
ودقن تفتش النية
ف أعمالك
آخر مرة
هلم شباب بيتظاهر
وساسة لعبهم ظاهر
يحضروا كل عفاريتك
يجهزوا زان توابيتك
لعمالك
آخر مرة
هاخبى الشهدا في جرابك
وأهدى ف غضبى أعصابك
وأهش النخبة عن صحنك
وأفض وليمة على لحمك وأحلامك
آخر مرة
هطارد كل حرباية
بتتلون عشان غاية
تصيب بكرة بقناصة
تجيب للفقرا مصاصة بأموالك
اخر مرة
هلف شوارعك الخايفة
وأوحد خمسميت طايفة
بتتخانق على الجنة
وبتحاكم ولد غنى
بألحانك
آخر مرة
هاشيل قلبي من الدفتر
وأنهى تاريخ بيتعسكر
عشان أخبز رغيف سمنك
ولو متأجرة لأمنك
أنا المالك
اهلا وسهلا بكـ , لديك: 0 مساهمة .
آخر زيارة لك كانت في : الخميس يناير 01, 1970 . 
موضوع: كلمات اغانى ثورة 25 يناير 
الأربعاء يناير 25, 2012 12:40 pm
